نواب شاہ کے گوٹھ میں آتشزدگی7گھر تباہ5 سالہ بچی جاں بحق

آگ شارٹ سرکٹ کے باعث لگی،نقدی ، زیورات و اناج راکھ کا ڈھیر بن گیا، گاؤں کے مکین گندم کی کٹائی کیلیے گئے ہوئے تھے۔فوٹو:فائل

---

لاہور: شاہ پورجہانیاں کے قریب گوٹھ موسیٰ ڈاہری میں شارٹ سرکٹ کے باعث آتشزدگی ، 7 مکانات راکھ کا ڈھیر بن گئے۔

5 سالہ بچی جھلس کر جاں بحق، فائر بریگیڈ نے آگ پر قابو پا لیا، وقوعہ کے وقت گھر کے مکین گندم کی کٹائی کے لیے کھیتوں میں گئے ہوئے تھے ۔ تفصیلات کے مطابق بدھ کے روز شاہ پور جہانیاں کے قریب گوٹھ موسیٰ ڈاہری میں بجلی کے شارٹ رکٹ کے باعث 7 کسانوں کے گھروں میں آگ لگ گئی ۔

جس نے دیکھتے ہی دیکھتے تمام مکانوں کو راکھ کا ڈھیر بنا دیا ۔ آتشزدگی کے باعث 5 سالہ بچی کھولی بھی جھلس کر جاں بحق ہوگئی۔ گاؤں کے مکینوں کے بروقت اطلاع دیے جانے پر دولت پور فائربریگیڈ کی گاڑی نے آگ پر قابو پایا، آتشزدگی کے وقت گھروں کے مکین گندم کی کٹائی کے لیے کھیتوں میں گئے ہوئے تھے۔ آگ کے نتیجے میں گھروں میں موجود نقدی، طلائی زیورات و دیگر قیمتی سامان اور اناج تباہ ہو گیا۔