’’کوہلی روہت راہول ٹی20 فارمیٹ میں نظر نہیں آئیں گے‘‘

آئندہ 90 دنوں میں بھارت کی ٹیم میں بڑی تبدیلیاں دیکھنے کو ملیں گی، آکاش چوپڑا

ویب ڈیسک May 16, 2023

آئندہ 90 دنوں میں بھارت کی ٹیم میں بڑی تبدیلیاں دیکھنے کو ملیں گی، آکاش چوپڑا (فوٹو: ایکسپریس ویب)

سابق بھارتی کرکٹر اور کمنٹیٹر آکاش چوپڑا نے ویرات کوہلی، روہت شرما اور کے ایل راہول کے حوالے سے بڑا بیان دیدیا۔

بھارتی میڈیا کی رپورٹس کے مطابق سابق کرکٹر اور کمنٹیٹر آکاش چوپڑا کا کہنا ہے کہ انڈین پریمئیر لیگ (آئی پی ایل) میں ویرات کوہلی، روہت شرما اور انجری کا شکار ہونے والے کے ایل راہول مسلسل ناکام ہو رہے ہیں جبکہ نوجوان کرکٹرز تیزی سے رنز بناکر بھارت کیلئے کھیلنے کو بیتاب ہیں۔

انہوں نے کہا کہ آئندہ 90 دنوں میں بھارت کی ٹیم میں بڑی تبدیلیاں دیکھنے کو ملیں گی، مجھے نہیں لگتا کہ کوہلی، روہت یا راہول کو ٹی20 فارمیٹ میں کھیلتا دیکھیں گے۔

مزید پڑھیں: پی ایس ایل کو دنیا کی دوسری بڑی لیگ سمجھتا ہوں، آکاش چوپڑا

آئی پی ایل کمنٹیٹر نے کہا کہ نوجوان کرکٹرز کی اگلی نسل تیار ہورہی ہے، ہندوستان ٹی20 ورلڈکپ سے قبل نئے ٹیمپلیٹ کی تلاش میں ہے، جہاں نوجوان کرکٹرز تیزی سے حریف ٹیم پر حملہ آور ہوں۔

مزید پڑھیں: لکھ لیں! پاکستان ورلڈکپ کیلئے آئے گا لیکن بھارت وہاں نہیں جائے گا، آکاش چوپڑا

گزشتہ سال انگلینڈ میں شیڈول ورلڈکپ سیمی فائنل میں بھارت کو انگلینڈ کے ہاتھوں 10 وکٹوں کی شرمناک ہار کا سامنا کرنا پڑا تھا۔