مظاہرین کی صفوں میں جلاؤ گھیراؤ کرنے والوں کو داخل کیا گیا عمران خان

تحقیقات میں یہ بات ثابت کروں گا ، چیئرمین پاکستان تحریک انصاف

---

تحریک انصاف کے چیئرمین عمران خان نے کہا ہے کہ جلاؤ گھیراؤ کرنے والوں کو مظاہرین میں داخل کیا گیا۔

ایکسپریس نیوز کے مطابق عمران خان نے ٹویٹر پر اپنے بیان کے ساتھ ساتھ ایک پرانی ویڈیو بھی شیئر کرائی اور کہا کہ 18 مارچ کو اسلام آباد کے جوڈیشل کمپلیکس میں بچھائے گئے اپنے قتل کے جال سے ربّ العزت کے کرم سے بحفاظت نکلنے کے بعد میں نے 22 مارچ کو یہ بیان ریکارڈ کروایا۔

18 مارچ کو اسلام آباد کے جیوڈیشل کمپلیکس میں بچھائے گئے اپنے قتل کے جال سے ربّ العزت کے کرم سے بحفاظت نکلنے کے بعد میں نے 22 مارچ کو یہ بیان ریکارڈ کروایا۔ میں نے نہایت اصرار سے اپنے کارکنان کو تلقین کی انہیں جتنا مرضی اشتعال دلوایا جائے، انہوں نے مکمل طور پر پرامن رہتے ہوئے ہی… pic.twitter.com/LbPyjYsyCO

— Imran Khan (@ImranKhanPTI) May 16, 2023

عمران خان نے کہا کہ میں نے نہایت اصرار سے اپنے کارکنان کو تلقین کی کہ انہیں جتنا مرضی اشتعال دلایا جائے انہیں مکمل طور پر پُرامن رہتے ہوئے ہی احتجاج کرنا ہے۔

انہوں ںے مزید کہا کہ انشاءاللہ جب بھی آزادانہ تحقیقات ہوں گی میں یہ ثابت کروں گا جلاؤ گھیراؤ کرنے والے بندوق برداروں کو بالکل اسی طرح پرامن مظاہرین کی صفوں میں داخل کیا گیا جیسے یہ اس موقع پر کرنے کی منصوبہ بندی کیے ہوئے تھے جس کا پردہ میں نے اس ویڈیو میں چاک کیا۔