شہزاد اکبر کیخلاف صوفیہ مرزا کے شوہر کو بلیک میل کرنے کا مقدمہ درج

سابق وزیراعظم عمران خان کے سابق مشیر شہزاد اکبر کی جانب سے ماڈل صوفیہ مرزا کے ساتھ مل کراس کے خاوند کوایف آئی اے کے ذریعے لیک میل کرنے اوروفاقی کابینہ کومبینہ استعمال کرکے بھاری رقوم بٹورنے پرتھانہ سیکرٹریٹ میں مقدمہ درج کرلیا گیا ہے۔

مقدمہ میں عمران خان کے سابق مشیر مرزا شہزاد اکبر، ماڈل صوفیہ مرزا، بھائی خرم مرزا اور دیگر ساتھیوں کوجعل سازی، دھوکہ دہی سے ناجائز رقم بٹورنے کے الزام میں نامزد کیا گیا ہے۔ مقدمہ میں عمر فاروق ظہور کے خلاف انتقامی کارروائی کیلئے جھوٹے مقدمات قائم کرنے کی دفعات بھی شامل کی گئی ہیں۔


ایف آئی آر میں صوفیہ مرزا کی بہن مریم مرزا، مائرہ خرم، عمید بٹ اور علی مردان شاہ کوبھی نامزد کیا گیا ہے متن میں لکھا گیا ہے کہ عمر فاروق ظہور کی سابقہ اہلیہ صوفیہ مرزا کی درخواست پرایف آئی اے لاہور کارپوریٹ سرکل نے سابق وزیراعظم عمران خان کے مشیر مرزا شہزاد اکبر کے شدید دباؤ پر کارروائی شروع کی تھی۔

ایف آئی آر میں شہزاد اکبر کا خصوصی ذکرکیا ہے کہ جنہوں نے عمر فاروق ظہورکے خلاف مہم چلانے کیلئے سابق وزیراعظم عمران خان کی سابق وفاقی کابینہ کوبھی استعمال کیا اور صوفیہ مرزا کے ساتھ مل کر عمر فاروق ظہور سے بھاری رقوم بٹور یں اور انہیں بلیک میل کرتے رہے۔