امریکی گلوکارہ بیونسے 200 ملین ڈالرز کی مہنگی ترین حویلی کی مالکن بن گئیں

گھر کی قیمت 200 ملین ڈالرز بتائی جا رہی ہے جو پاکستانی روپے کے لحاظ سے تقریباً 57 ارب روپے بنتی ہے

ویب ڈیسک May 22, 2023

(فائل فوٹو)

امریکی گلوکارہ اور سانگ رائٹر بیونسے اور ان کے شوہر جے زی نے کیلیفورنیا میں مہنگا ترین گھر خرید لیا۔

غیر ملکی میڈیا رپورٹ کے مطابق اس شاندار حویلی نما گھر کی قیمت 200 ملین ڈالرز بتائی جا رہی ہے جو پاکستانی روپے کے لحاظ سے تقریباً 57 ارب روپے بنتی ہے۔

Beyoncé and Jay-Z purchase $200 Malibu mansion. (Photo: Backgrid)

Beyoncé and Jay-Z purchase $200 Malibu mansion. (Photo: Backgrid)

غیر ملکی میڈیا کا کہنا ہے کہ کیلیفورنیا کے علاقے مالیبو میں واقع یہ گھر ریاست میں اب تک فروخت ہونے والی سب سے مہنگی جائیداد ہے۔

Beyoncé and Jay-Z purchase $200 Malibu mansion. (Photo: Backgrid)

30 ہزار مربع فٹ رقبے پر مشتمل اس گھر کو پرٹزکر انعام یافتہ جاپانی ماہر تعمیرات ٹاڈا اینڈو نے ڈیزائن کیا تھا۔ اس محل جیسے گھر کی ایک خاص بات یہ بھی ہے کہ یہ بحرالکاہل کاشاندار نظارہ پیش کرتا ہے جبکہ اس گھر میں ایک بڑا سوئمنگ پول بھی ہے۔

Beyoncé and Jay-Z purchase $200 Malibu mansion. (Photo: Backgrid)

یہ ایک ایل شکل کی حویلی ہے جس میں بڑے بڑے باغ، ساحل کے نظارے اور پُرآسائش چیزیں شامل ہیں۔ یہاں یہ بات جان کر حیرانی ہوگی کہ اس پوری حویلی میں فرش سے چھت تک شیشے کی دیواریں اور کنکریٹ کے دالان ہیں۔