پی ٹی آئی کے سابق رکن اسمبلی ارباب جہاں داد گرفتار
ارباب جہاں داد کو پشاور موٹروے بند کرنے اور توڑ پھوڑ پر مری سے گرفتار کیا گیا
خیبرپختونخوا پولیس نے مری میں کارروائی کرتے ہوئے پاکستان تحریک انصاف کےسابق رکن اسمبلی ارباب جہاں داد کو گرفتار کرلیا۔
ایکسپریس نیوز کے مطابق ارباب جہاں داد کیخلاف پشاور موٹروے بند کرنے اور توڑ پھوڑ کا مقدمہ پشاور کے تھانے میں درج تھا، پولیس کریک ڈاؤن کے بعد سے وہ منظر عام سے غائب تھے۔
بعد ازاں پولیس نے خفیہ اطلاع کی بنیاد پر مری میں کارروائی کی جہاں سے اُن کی گرفتار عمل میں لائی گئی۔
ارباب جہاں داد پی ٹی آئی کے دور حکومت میں پارلیمانی سیکریٹری کے عہدے پر کام کرچکے ہیں۔