افغانستان میں سیلاب نے تباہی مچادی5 افراد جاں بحق
ہلاک ہونے والوں میں 4 خواتین اور ایک بچہ شامل ہے
افغانستان میں سیلاب نے بڑے پیمانے پر تباہی مچادی؛ متعدد ہلاک (فوٹو: فائل)
افغانستان کے صوبہ غور میں 4 خواتین اور ایک بچہ سیلابی ریلے میں بہہ گئے۔
افغان میڈیا کے مطابق صوبے غور کے شہر فیروزکوہ میں مسلسل ہونے والی بارشوں کے باعث دریاؤں میں طغیانی آگئی اور سیلابی ریلہ رہائشی علاقوں میں داخل ہوگیا۔ ریلے نے اپنے راستے میں آنے والی ہر شے کو تہس نہس کرکے رکھ دیا۔
سیلاب میں پانچ افراد جاں بحق ہوگئے جن میں 4 خواتین اور ایک بچہ شامل ہے جب کہ 4 ہزار افراد سیلابی ریلے میں پھنس ہوگئے جنھیں محفوظ مقام پر منتقل کردیا گیا۔ موسم کی خرابی اور دشوار گزار راستوں کے باعث امدادی کاموں میں مشکلات کا سامنا ہے۔
افغانستان میں طالبان حکومت کے 2021 میں قائم ہونے کے بعد سے مرکزی بینک اور عالمی فنڈز منجمد ہیں جس کی وجہ سے حکومت کو ریلیف آپریشن میں فنڈز کی کمی کا سامنا ہے۔
رواں ماہ کے آغاز میں بھی سیلاب اور شدید بارشوں سے ننگرہار میں چار بچے جاں بحق، 25 افراد زخمی اور 300 مکانات تباہ ہوگئے تھے۔
یاد رہے کہ اپریل 2023 میں آنے والے سیلاب اور زلزلوں کی وجہ سے ملک کے 31 صوبوں میں کم از کم 29 افراد جان کی بازی ہار گئے تھے۔
افغان میڈیا کے مطابق صوبے غور کے شہر فیروزکوہ میں مسلسل ہونے والی بارشوں کے باعث دریاؤں میں طغیانی آگئی اور سیلابی ریلہ رہائشی علاقوں میں داخل ہوگیا۔ ریلے نے اپنے راستے میں آنے والی ہر شے کو تہس نہس کرکے رکھ دیا۔
سیلاب میں پانچ افراد جاں بحق ہوگئے جن میں 4 خواتین اور ایک بچہ شامل ہے جب کہ 4 ہزار افراد سیلابی ریلے میں پھنس ہوگئے جنھیں محفوظ مقام پر منتقل کردیا گیا۔ موسم کی خرابی اور دشوار گزار راستوں کے باعث امدادی کاموں میں مشکلات کا سامنا ہے۔
افغانستان میں طالبان حکومت کے 2021 میں قائم ہونے کے بعد سے مرکزی بینک اور عالمی فنڈز منجمد ہیں جس کی وجہ سے حکومت کو ریلیف آپریشن میں فنڈز کی کمی کا سامنا ہے۔
رواں ماہ کے آغاز میں بھی سیلاب اور شدید بارشوں سے ننگرہار میں چار بچے جاں بحق، 25 افراد زخمی اور 300 مکانات تباہ ہوگئے تھے۔
یاد رہے کہ اپریل 2023 میں آنے والے سیلاب اور زلزلوں کی وجہ سے ملک کے 31 صوبوں میں کم از کم 29 افراد جان کی بازی ہار گئے تھے۔