عرفی جاوید سے متاثر ہوکر نوجوان کی عجیب و غریب حرکت
عرفی جاوید کا بہت بڑا مداح اور انکے لباس و انداز سے متاثر ہوں، ہرجیش کمار
بھارتی ٹیلی ویژن کی معروف اداکارہ اور سوشل میڈیا پر متحرک عرفی جاوید اپنے نامناسب فیشن سینس کے باعث اکثر ہی سوشل میڈیا پر تنقید کی زد میں رہتی ہیں لیکن اب انکی نقل میں ایک نوجوان نے بھی انکے جیسا لباس پہن لیا جس پر اسکا مذاق بن گیا۔
بھارتی میڈیا کے مطابق بہار کے علاقے بھاگپور میں ایک نوجوان عرفی جاوید کی نقل میں اخبار کا لباس پہن کر نکل پڑا جسے دیکھنے کیلئے لوگوں کی بھیڑ جمع ہو گئی۔
برجیش کمار کے مطابق وہ اداکارہ عرفی جاوید کا بہت بڑا مداح اور انکے لباس و انداز سے بہت متاثر ہے اسی لیے وہ اس طرح کا لباس پہن کر بلاگنگ کرتا ہے۔
برجیش کمار نے کہا کہ اُسے بچپن سے ہی ماڈلنگ کا شوق تھا اور وہ اسکول و کالج میں بھی ماڈلنگ کر چکا ہے۔
ہرجیش کے مطابق اُسے اداکارہ عرفی جاوید کے کاسٹیوم ڈیزائن پسند ہیں اور اسی وجہ سے وہ مختلف قسم کے کاسٹیوم کو خود عرفی جاوید کی طرح ڈیزائن کرکے پہنتا ہے۔
برجیش کمار مختلف جگہوں پر بلاگ بنا کر سوشل میڈیا پر ویڈیوز اپ لوڈ کرتا ہے، برجیش کے لباس کو دیکھ کر کچھ لوگوں نے اسے سراہا تو کئی لوگ اسکی اس حرکت پر ہنس پڑے۔