برازیلین ٹی وی اداکار کی لکڑی کے صندوق میں دفن ہاتھ پاؤں بندھی لاش برآمد
لاش کو ہاتھ پاؤں باندھ کر لکڑی کے صندوق میں بند کر کے ساڑھے 6 فٹ گہرے گھڈے میں چھپایا گیا تھا
رواں سال جنوری سے لاپتہ ہونے والے برازیلین ٹی وی اداکار جیفرسن میکاڈو کی صندوق میں دفن لاش برآمد ہوئی ہے۔
غیر ملکی میڈیا رپورٹ کے مطابق 44 سالہ جیفرسن چار ماہ قبل برازیل سے پُراسرار طور پر لاپتہ ہوا تھا جس کی تلاش جاری تھی۔
رپورٹ میں بتایا گیا ہے کہ اداکار کی لاش ایک خاتون کے گھر کے پچھلے حصے سے برآمد ہوئی ہے، اداکار کی لاش کو ہاتھ پاؤں باندھ کر لکڑی کے صندوق میں بندھ کر کے ساڑھے 6 فٹ گہرے گھڈے میں چھپایا گیا تھا۔
گھر کی مالکن کا کہنا ہے کہ اس نے گھر کو ایک نامعلوم شخص کو کرائے پر دے رکھا تھا جو کچھ عرصہ قبل گھر چھوڑ کر کہیں اور منتقل ہو گیا۔
تحقیقات سے معلوم ہوا ہے کہ مذکورہ شخص مقتول سے تعلق رکھتا تھا اور جیفرسن میکاڈو کو آخری بار اس شخص کے ساتھ اس گھر میں داخل ہو تے ہوئے دیکھا گیا تھا۔
یاد رہے کہ پولیس نے ملزم کی شناخت کر کے اس کی تلاش شروع کر دی ہے۔