امریکا میں موٹرسائیکل ریلی  کے دوران فائرنگ 3افراد ہلاک

موٹرسائیکل ریلی میں مختلف علاقوں سے لوگ شرکت کرنے آئے تھے،پولیس:فوٹو:سوشل میڈیا

---

امریکا میں موٹرسائیکل ریلی پر فائرنگ سے 3 افراد ہلاک ہوگئے۔

امریکی میڈیا کے مطابق جنوب مغربی ریاست نیو میکسیکو کے علاقے ریڈ ریور میں موٹر سائیکل ریلی پر فائرنگ کے نتیجے میں 5 افراد زخمی بھی ہوئے۔ ہلاک ہونے والے 3 افراد کی لاشوں اور زخمیوں کو اسپتال منتقل کردیا گیا۔

ریڈ ریور کے مئیرکا کہنا ہے کہ ریلی کے دوران موٹرسائیکل سواروں کے درمیان تلخ کلامی ہوئی جس کے بعد انہوں نے ایک دوسرے پر فائرنگ کی۔ سابق فوجیوں کو خراج تحسین پیش کرنے کے لیے موٹرسائیکل ریلی کا انعقاد کیا گیا تھا۔ ریلی کے شرکا کی اکثریت دوسرے علاقوں سے ریلی میں حصہ لینے آئی تھی۔

🚨#BREAKING: Shootout Erupts at Memorial Day Motorcycle Rally, Multiple People have been shot ⁰⁰📌#Redriver | #NewMexico

Multiple authorities and emergency crews are on the scene to a mass shooting that occurred during a shootout, that took place during a Memorial Day… pic.twitter.com/nf9zqejnya

— R A W S A L E R T S (@rawsalerts) May 28, 2023

فائرنگ کے بعد پولیس نے علاقے کی تمام شاہراہیں بند کر دی ہیں۔ سیکیورٹی اداروں کی تحقیقات تک تمام راستوں کو بند رکھا جائے گا۔