قومی ایئرلائن پی آئی اے کے سال 2023 کے پہلے تین ماہ کے مالی نتائج سامنے آگئے۔

پی آئی اے کی مالی رپورٹ میں انکشاف ہوا ہے کہ گزشتہ سال 2022 کے اسی عرصے کے مقابلے میں پی آئی اے کا نقصان 171 فیصد زائد ہے۔ اس نقصان کا حجم 38 ارب روپے کے لگ بھگ ہے۔

رواں سال کے پہلے تین ماہ کے دوران پی آئی اے صرف 61 ارب روپے کی آمدنی کرسکا،پی آئی اے کو روپے کے مقابلے میں امریکی ڈالر کی قیمت بڑھنے سے 21 ارب روپے کا نقصان ہوا۔

تیل کی قیمت، شرح سود اور امریکی ڈالر کی قیمت بڑھنے سے پی آئی اے کو نقصان ہوا،انتظامی امور میں غفلت سے پی آئی اے کے آپریٹنگ اخراجات 15 ارب روپے اضافہ کے بعد بڑھ کر 43 ارب روپے ہوگئے۔