قومی سلامتی کمیٹی کا اہم اجلاس آج ہوگا
اجلاس میں 9 مئی کے واقعات اور اس میں ملوث ملزمان کی تفصیلات سے آگاہ کیا جائے گا، ذرائع
وزیراعظم پاکستان شہباز شریف نے قومی سلامتی کمیٹی کا اجلاس آج طلب کرلیا۔
ایکسپریس نیوز کے مطابق وزیراعظم شہباز شریف کی زیر صدارت قومی سلامتی کمیٹی کے اجلاس میں ملکی سلامتی اور داخلی صورتحال کا جائزہ لیا جائے گا۔
ذرائع کے مطابق اجلاس میں 9 مئی کے واقعات اور اس میں ملوث ملزمان کی تفصیلات سے آگاہ کیا جائے گا، وزارت داخلہ اور صوبائی حکومتیں اپنی رپورٹ پیش کریں گی۔
اجلاس میں ملکی معاشی صورتحال کا جائزہ لیا جائے گا اور ملک کو درپیش چیلنجز کو زیر غور لایا جائے گا، اجلاس میں وزیراعظم شہباز شریف کے دورہ ترکی کا بھی جائزہ لیا جائے گا۔