لاہور سے دبئی جانے والی خاتون سمیت 2 مسافروں کے سامان سے 2 کلو سے زائد ہیروئن برآمد

ایئرپورٹ سیکیورٹی فورس نے دونوں ملزمان کو اینٹی نارکوٹکس فورس کے حوالے کردیا ہے۔ فوٹو: فائل

---

ایئرپورٹ سیکیورٹی فورس نے 2 کلو گرام سے زائد منشیات دبئی اسمگل کرنے کی کوشش ناکام بناتے ہوئے خاتون سمیت دو مسافروں کو گرفتار کرلیا۔

ایکسپریس نیوز کے مطابق لاہورایئرپورٹ پر تعینات اہلکاروں نے متحدہ عرب امارات کی ریاست دبئی جانے والی پرواز کی ایک مسافر خاتون کے سامان میں موجود شیمپو کی بوتلوں کی تلاشی لی گئی تو اس میں سے ایک کلو 110 گرام ہیروئن برآمد ہوئی، اس کے علاوہ اسی پرواز کے ایک اور مسافر کے سامان سے بھی ایک کلو گرام کے مساوی ہیروئن برآمد ہوئی۔

ایئرپورٹ سیکیورٹی فورس نے دونوں ملزمان کو اینٹی نارکوٹکس فورس کے حوالے کردیا جنھوں نے انہیں اپنے تحویل میں لے کر تفتیش شروع کردی ہے۔