سرگودھا پولیس کو مطلوب ملزم سعودی عرب سے گرفتار

ملزم امجد علی کے خلاف قتل، اقدام قتل کے تحت مقدمہ درج ہے

---

ایف ائی اے این سی بی انٹرپول پاکستان نے کارروائی کرتے ہوئے سرگودھا پولیس کو مطلوب ملزم کو سعودی عرب سے گرفتار کر لیا۔

ملزم امجد علی کے خلاف قتل، اقدام قتل کے تحت مقدمہ درج ہے۔ اسے سعودی عرب سے گرفتار کر کے اسلام آباد ائیرپورٹ منتقل کر دیا گیا۔

متعلقہ پولیس کی درخواست پر ایف آئی اے این سی بی انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔ بعدازاں ایف آئی اے امیگریشن نے ملزم کو سرگودھا پولیس کے حوالے کر دیا۔

ایف آئی اے کا کہنا ہے کہ ملزم کی حوالگی انٹرپول اسلام آباد کی انٹرپول سعودی عرب کے ساتھ قریبی رابطہ کاری کی وجہ سے ممکن ہوئی۔