مشکل وقت سے گزر رہی ہوں کاجول نے سوشل میڈیا سے دوری اختیار کر لی
کاجول نے فوٹو اینڈ ویڈیو شیئرنگ ایپ انسٹاگرام سے اپنی تمام پرانی پوسٹ بھی ڈیلیٹ کر دیں
مشہور بھارتی اداکارہ کاجول نے سوشل میڈیا سے دوری اختیار کرنے کا اعلان کر دیا۔
ماضی کی مقبول فلم 'دل والے دلہنیا لے جائیں گے' اسٹار کاجول نے اعلان کیا ہے کہ وہ سوشل میڈیا سے دوری اختیار کر رہی ہیں۔
اداکار نے انسٹاگرام پر پوسٹ میں لکھا کہ 'زندگی کے مشکل ترین وقت سے گزر رہی ہیں ساتھ ہی کاجول نے پوسٹ کے کیپشن میں لکھا کہ وہ سوشل میڈیا سے بریک لے رہی ہیں۔
کاجول نے فوٹو اینڈ ویڈیو شیئرنگ ایپ انسٹاگرام سے اپنی تمام پرانی پوسٹ بھی ڈیلیٹ کر دی ہیں جبکہ ٹوئٹر پر ان کی پوسٹ تاحال موجود ہیں۔
کاجول کے مداحوں کی جانب سے اداکارہ کے اچانک اس اعلان پر تشویش کا اظہار کیا جارہا ہے۔ مداح کاجول کیلئے نیک خواہشات کا اظہار کرتے ہوئے انہیں اپنا خیال رکھنے کا مشورہ دے رہے ہیں۔
یاد رہے کہ کاجول جلد نیٹ فلکس کی ویب سیریز لسٹ اسٹوریز 2 میں اداکاری کے جوہر دکھاتی نظر آئیں گی۔