کوئٹہ میں منشیات کی فیکٹری پکڑی گئی 7 ملزمان گرفتار
چھاپے کے دوران فیکٹری سے جدید اسلحہ بھی برآمد ہوا ہے، ڈی آئی جی
بلوچستان کے دارالحکومت میں نواحی علاقے سے منشیات کی فیکٹری پکڑی گئی۔
ڈی آئی جی اظفر مہسر نے بتایا کہ سی آئی اے پولیس اور جیوفینسنگ کی مدد سے ملزمان اور فیکٹری تک پہنچے جہاں جڑی بوٹی سے منشیات بنائی جارہی تھی۔
انہوں نے بتایا کہ چھاپے کے دوران فیکٹری سے 7 افراد کو گرفتار جبکہ جدید اسلحہ برآمد کیا گیا، جس کو فرانزک کے لیے لیبارٹری بھیج دیا ہے۔
ڈی آئی جی کے مطابق ملزمان سے تفتیش اور ماسٹر مائنڈ سے متعلق تحقیقات جاری ہیں۔