گرین لائن ایکسپریس اور فرید ایکسپریس بڑے حادثے سے بچ گئے
گھوٹکی ریلوے اسٹیشن پر گرین لائن کا انجن پٹڑی سے اترا اور فرید ایکسپریس کی بوگی قریب جا کر رک گیا
کراچی سے اسلام آباد جانے والی گرین لائن ایکسپریس کا انجن گھوٹکی اسٹیشن پر پٹڑی سے اتر گیا تاہم ٹرین بڑے حادثے سے بال بال بچ گئی۔
ترجمان ریلوے کے مطابق گھوٹکی ریلوے اسٹیشن پر 5 اَپ گرین لائن ایکسپریس لوپ لائن پر کھڑی فرید ایکسپریس کو کراس کر رہی تھی کہ گرین لائن کا انجن اچانک پٹڑی سے اتر گیا۔
گرین لائن ایکسپریس کا انجن دو انچ کے فاصلے سے فرید ایکسپریس کو ہٹ کرتے کرتے بچ گیا۔ 37 اَپ فرید ایکسپریس کراچی سے لاہور جا رہی تھی۔
[video width="640" height="368" mp4="https://c.express.pk/2023/06/whatsapp-video-2023-06-11-at-9.05.47-am-1686463621.mp4"][/video]
گرین لائن ایکسپریس کا انجن پٹڑی سے اترنے کے بعد اَپ ٹریک بند ہوگیا تاہم ریلوے عملے کی جانب سے بحالی کا کام جاری ہے۔
حادثے کے بعد لوپ لائن پر کھڑی فرید ایکسپریس کو اپنی منزل کی طرف روانہ کر دیا گیا۔