امریکی طیارے میں دوران پرواز ایئر سلائیڈ کھل گئی

حادثے کا شکار ہونے والے امریکی طیارے میں 168 مسافر موجود تھے؛ فوٹو: فائل

---

پرواز بھرنے کے دوران طیارے کے اندر ایئر سلائیڈ کھل گئی جس کے نتیجے میں عملے ایک رکن کو شدید چوٹیں آئیں۔

امریکی میڈیا کے مطابق یہ حادثہ اس وقت پیش آیا جب 168 مسافروں کو لے کر طیارہ نیویارک سے لاس اینجلس جارہا تھا تاہم تکنیکی مسائل کی وجہ سے جہاز کو یوٹاہ میں ہنگامی لینڈنگ کرنا پڑی۔

طیارے کے بیک اپ سسٹم میں آئسنگ کنڈیشنز کے لیے استعمال ہونے والا درجہ حرارت کا آلہ خراب ہوگیا تھا جسے درست کیا اور چند گھنٹوں بعد طیارے نے دوبارہ پرواز بھری اور اس دوران ایئر سلائیڈ کھل گیا جس سے عملے کا ایک رکن زخمی ہوگیا۔

طیارے کے عملے کے زخمی رکن کو اسپتال لے جایا گیا جہاں اسے طبی امداد کے بعد اسپتال سے رخصت دیدی گئی جب کہ مسافروں کو دوسرے طیارے میں منزل مقصود کی جانب روانہ کردیا گیا۔