کرکٹ ٹیم میں صرف چند کھلاڑی اہم ہیں گوتم گمبھیر بورڈ پر برس پڑے

ٹیسٹ چمپئین شپ میں بھارت کی آسٹریلیا کے ہاتھوں شکست شرمناک ہے، سابق کرکٹر

ویب ڈیسک June 12, 2023

ٹیسٹ چمپئین شپ میں بھارت کی آسٹریلیا کے ہاتھوں شکست شرمناک ہے، سابق کرکٹر (فوٹو: ایکسپریس ویب)

بھارت کے سابق کرکٹر گوتم گمبھیر نے اپنے بورڈ کو آڑے ہاتھوں لے لیا۔

بھارتی کرکٹ ٹیم کے سابق کھلاڑی گوتم گمبھیر نے چند مخصوص کھلاڑیوں کو اسٹار بنانے پر کڑی تنقید کا نشانہ بنا ڈالا۔

گوتم گمبیھر نے ٹیسٹ چمپئین شپ میں بھارت کی آسٹریلیا کے ہاتھوں شکست کو شرمناک قرار دیتے ہوئے کہا کہ کرکٹ ٹیم میں چند مخصوص کھلاڑیوں کی بےتحاشا تشہیر کی جاتی ہے۔ کھلاڑی پیسوں کے لیے پان مصالحے کا اشتہار تک کرلیتے ہیں اور اپنی حیثیت کا احساس نہیں کرتے۔

مزید پڑھیں: بھارت نے ٹیسٹ چیمپئن شپ فائنل میں شکست کا ملبہ اوول پر ڈال دیا

سابق بھارتی کرکٹر کا مزید کہنا تھا کہ بھارتی کرکٹ بورڈ کے تمام اسٹیک ہولڈرز جس میں میڈیا بھی شامل ہے چند کرکٹرز کو ہی پروموٹ کرتے رہتے ہیں اور اسی وجہ سے وہ اسٹار بن جاتے ہیں۔

King words by gautam gambhir 🔥https://t.co/eKJnhM23At
— Prayag (@theprayagtiwari) June 11, 2023

انہوں نے مزید کہا کہ بھارت میں کچھ کھلاڑی ٹیم سے بھی بڑے ہوگئے ہیں۔ دیگرملکوں میں قومی ٹیمیوں کو اہمیت دی جاتی ہے لیکن بھارت میں لوگ ٹیم کے بجائے چند کھلاڑیوں کے دیوانے ہوتے ہیں۔ گوتم گمبھیر نے کہا کہ براڈ کاسٹر اور میڈیا چند کھلاڑیوں کی پی آر کمپنی بن کر رہ گیا ہے۔ تین کھلاڑیوں کو بار بار دکھائیں گے تو وہی اسٹار بنیں گے۔