راولپنڈی میں ذہنی معذور بچوں کے اغوا اور گردے نکالنے کا انکشاف
تھانہ مورگاہ پولیس نے تحقیقات کا آغاز کردیا، اسپیشل چائلڈ کی حالت خراب ہورہی ہے، زرائع
راولپنڈی میں ذہنی معذور بچوں کے اغوا اور گردے نکالنے کا انکشاف ہوا ہے۔
راولپنڈی اڈیالہ روڈ کے رہائشی اسپیشل چائلڈ کو اغوا کیا گیا اور اغواکاروں نے قمرزمان کا دائیاں گردہ نکال کر چھوڑا دیا۔ دوسری جانب راولپنڈی تھانہ مورگاہ پولیس نے تحقیقات کا آغاز کردیا۔
ذرائع کے مطابق راولپنڈی اسپیشل چائلڈ کی حالت خراب ہورہی ہے۔ واضح رہے کہ گزشتہ برس بھی اسی طرح کا ایک واقعہ رپورٹ ہوا تھا۔ چیچہ وطنی میں نامعلوم سفاک شخص نے ذہنی معذور نوجوان کا گردہ نکال لیا تھا۔
نامعلوم درندہ صفت شخص نے معصوم نوجوان کاگردہ زبردستی نکال کر اسے بے یار و مددگار پھینک دیا تھا، اسے کسی خُداترس انسان نے طبی امداد کے لیے اسپتال منتقل کیا۔
چیچہ وطنی کا رہائشی عبید نامی ذہنی معذور نوجوان لاپتا ہوا جو بولنے سے بھی قاصر تھا۔