دوران قید انتقال کرنیوالے بھارتی ماہی گیر کی میت واہگہ بارڈر پر انڈین حکام کے حوالے

60 سالہ بالو ولد جیٹھا گزشتہ ماہ طبیعت خراب ہونے کی وجہ سے ہسپتال میں انتقال کر گیا تھا

---

دوران قید انتقال کرنے والے بھارتی ماہی گیر کی میت واہگہ بارڈر پر ہندوستانی حکام کے حوالے کردی گئی۔

ترجمان ایدھی فاؤنڈیشن کے مطابق ایدھی فاؤنڈیشن نے بھارتی ماہی گیرکی میت بذریعہ ہوائی جہاز کراچی سے لاہور پہنچائی اور ائیرپورٹ سے ایدھی ایمبولینس کے ذریعے واہگہ بارڈر تک پہنچائی گئی۔

واہگہ بارڈر پر قانونی کارروائی کے بعد پاکستانی رینجرز حکام نے بھارتی ماہی گیر کی میت انڈین حکام کے حوالے کردی۔

ذرائع کا کہنا ہے کہ 60 سالہ بالو ولد جیٹھا کو دیگر ماہی گیروں کے ساتھ 22 ستمبر 2020 کو پاکستانی سمندری حدود میں غیر قانونی شکار کے الزام میں گرفتار کیا گیا تھا۔

بھارتی ماہی گیر کراچی کی ملیرجیل میں قید تھا جو گزشتہ ماہ طبیعت خراب ہونے کی وجہ سے ہسپتال میں انتقال کر گیا تھا۔