راولپنڈی نالے میں ڈوب کر خاتون اور تین بچے جاں بحق

ڈوبنے والوں میں خاتون حسرو بی بی ، 11 سالہ لائبہ ، 9 سالہ سمیرا اور 9 سالہ عزیز اللہ شامل ہیں(فوٹو: ایکسپریس)

---

کلرسیداں کے علاقے میں خاتون اور تین بچے نالے میں ڈوب کر جاں بحق ہوگئے۔

ایکسپریس نیوز کے مطابق راولپنڈی کے علاقے کلرسیداں میں افسوس ناک واقعہ پیش آیا جس میں ایک خاتون اور تین معصوم بچے نالے میں ڈوب کر جاں بحق ہوگئے۔

ڈوبنے والوں میں خاتون حسرو بی بی ، 11 سالہ لائبہ ، 9 سالہ سمیرا اور 9 سالہ عزیز اللہ شامل ہیں۔

ذرائع کے مطابق خاتون نالے پر کپڑے دھورہی تھی کہ اس دوران بچے کھیلتے ہوئے اچانک نالے میں گرگئے، بچوں کو بچاتے ہوئے خسروبی بی بھی ڈوب کر جاں بحق ہوگئی۔

متوفی خاتون اور بچوں کی لاشیں اسپتال منتقل کردی گئی ہیں۔