پی سی بی کا ورلڈکپ کی تیاریوں کیلئے 4 بڑی ٹیموں سے رابطہ

اگست میں پاکستان کا دورہ کرنے اور دو طرفہ یا سہ ملکی سیریز میں شرکت کی دعوت (فوٹو: ایکسپریس ویب)

---

پاکستان کرکٹ بورڈ (پی سی بی) نے بھارت میں شیڈول ورلڈکپ کیلئے 4 بڑی ٹیموں کے بورڈز سے رابطہ کیا ہے۔

میڈیا رپورٹس کے مطابق پاکستان کرکٹ بورڈ نے آسٹریلیا، نیوزی لینڈ، بنگلہ دیش اور جنوبی افریقہ سے رابطے شروع کر دیے ہیں جبکہ اگست میں پاکستان کا دورہ کرنے اور دو طرفہ یا سہ ملکی سیریز میں شرکت کی دعوت دی ہے۔

پی سی بی کی جانب سے مذکورہ بورڈز کو بھیجی گئی ای میل میں کہا گیا ہے کہ یہ سیریز مہمان ٹیموں کو میگا ایونٹ سے قبل برصغیر کے حالات سے ہم آہنگ ہونے کا موقع فراہم کرے گی۔

مزید پڑھیں: دورہ سری لنکا؛ ٹیسٹ سیریز کے ساتھ ون ڈے شامل کرنے پر پیشرفت نہ ہوسکی

ہفتے کے روز لاہور میں ایک میڈیا سے گفتگو کرتے ہوئے قومی ٹیم کے ہیڈکوچ گرانٹ بریڈ برن نے کہا تھا کہ کہ اہم ایونٹ کے لیے پاکستانی ٹیم کی تیاریوں کو یقینی بنانے کے لیے اضافی میچز کے حصول کی کوشش کررہے ہیں۔

مزید پڑھیں: کیوی بورڈ نے پاکستان کو وائٹ بال سیریز کی دعوت دیدی، رپورٹس

انہوں نے انکشاف کیا کہ پی سی بی 50 اوور کے میگا ایونٹ سے قبل کئی بورڈز سے رابطے کے کررہا ہے تاکہ میچز کروائے جاسکیں۔

دوسری جانب ایشیاکپ کیلئے پاکستان کا ہائبرڈ ماڈل بھی تسلیم کرلیا گیا ہے، جس کے بعد قوی امکان ظاہر کیا جارہا ہے کہ ورلڈکپ کیلئے قومی ٹیم ہندوستان جائے گی۔