بجلی کی قیمت میں ایک بار پھر اضافہ
نوٹی فکیشن جاری، اضافے کا اطلاق رواں ماہ کے بلوں پر ہوگا، لائف لائن صارفین اور کے الیکٹرک صارفین مستثنیٰ ہوں گے
حکومت نے بجلی ایک بار پھر مہنگی کردی، بجلی کی قیمتوں میں ایک روپیہ 61 پیسے اضافہ کر دیا گیا۔
ایکسپریس نیوز کے مطابق نیپرا نے اس حوالے سے قیمتوں میں اضافے کا نوٹی فکیشن جاری کر دیا ہے جس کے مطابق قیمتوں میں اضافہ ماہانہ فیول ایڈجسٹمنٹ کی مد میں کیا گیا ہے۔
نوٹی فکیشن کے مطابق بجلی کی قیمتوں میں اضافے کا اطلاق رواں ماہ کے بلوں پر ہوگا، اضافے کا اطلاق لائف لائن صارفین کے سوا سب پر ہوگا جب کہ اس کا اطلاق کے الیکٹرک صارفین پر بھی نہیں ہوگا۔