شاہین کو سری لنکا کیخلاف ٹیسٹ سیریز سے باہر کیے جانے کا امکان

نوجوان پیسر ان دنوں ٹی20 بلاسٹ میں ناٹنگھم شائر کی نمائندگی کررہے ہیں

ویب ڈیسک June 13, 2023

نوجوان پیسر ان دنوں ٹی20 بلاسٹ میں ناٹنگھم شائر کی نمائندگی کررہے ہیں (فوٹو: فائل)

سری لنکا کے خلاف ٹیسٹ سیریز کیلئے قومی کرکٹ ٹیم کے فاسٹ بولر شاہین آفریدی کو باہر کیا جاسکتا ہے۔

میڈیا رپورٹس کے مطابق بھارت میں شیڈول ورلڈکپ 2023 کے باعث قومی ٹیم کے نوجوان فاسٹ بولر شاہین آفریدی کو روٹیشن پالیسی کے تحت سری لنکا کے خلاف سیریز میں آرام کروایا جاسکتا ہے۔

سری لنکن کرکٹ بورڈ کی جانب سے ٹیسٹ سیریز کا شیڈول جلد جاری کیے جانے کا امکان ہے، ٹیسٹ میچز کی سیریز آئی سی سی ورلڈ ٹیسٹ چیمپئین شپ کا حصہ ہوگی۔

مزید پڑھیں: دورہ سری لنکا؛ ٹیسٹ سیریز کے ساتھ ون ڈے شامل کرنے پر پیشرفت نہ ہوسکی

شاہین آفریدی انگلینڈ کی ٹی20 بلاسٹ لیگ میں ناٹنگھم شائر کی نمائندگی کررہے ہیں، انہوں نے 9 میچوں میں 13 وکٹیں حاصل کررکھی ہیں۔

قبل ازیں مکی آرتھر نے ٹوئٹر پر شاہین آفریدی کے حوالے سے کہا تھا کہ فاسٹ بولرز کے ورک لوڈ پر نظر رکھے ہوئے ہیں، شاہین نے 10 دنوں میں 28 اوورز کرائے ہیں۔