سندھ میں فلار ملز ایسوسی ایشن کا 8 روز سے جاری ہڑتال ختم کرنے کا اعلان

سندھ کے جن اضلاع سے گندم کراچی لائی جاتی ہے وہاں سے حائل رکاوٹوں کو دور کیا جائے گا، سیکریٹری خوراک

ویب ڈیسک April 29, 2014

فلار ملز ایسوسی ایشن کے رہنما کل وزیر خوارک سے ملاقات کریں گے۔ فوٹو: فائل

پاکستان فلار ملز ایسوسی ایشن نے سیکریٹری خوراک سندھ سے کامیاب مذاکرات کے بعد گزشتہ 8 روز سے جاری ہڑتال ختم کرنے کا اعلان کردیا۔

ایکسپریس نیوز کے مطابق پاکستان فلار ملز ایسوسی ایشن سندھ سرکل کے نمائندوں نے آج سیکریٹری خوراک سے ملاقات کی جس میں فیصلہ کیا گیا کہ سندھ کے جن اضلاع سے گندم کراچی لائی جاتی ہے وہاں سے بلارکاوٹ گندم کی ترسیل جاری رہے گی جب کہ سیکریٹری خوراک کی جانب سے اس سلسلے میں حائل رکاوٹوں کو دور کرانے کی یقین دہانی بھی کرائی گئی جس پر پاکستان فلار ملزم ایسوسی ایشن نے گزشتہ 8 روز سے جاری ہڑتال ختم کرنے کا اعلان کردیا جب کہ فلار ملز ایسوسی ایشن کے رہنما کل وزیر خوارک سے ملاقات کریں گے۔

واضح رہے کہ فلار ملز ایسوسی نے حکومت سندھ کی جانب سے گندم و آٹے کی نقل وحمل پرپابندی، اندرون سندھ سے کراچی آنے والی گندم اور سندھ کے راستے پنجاب سے بلوچستان جانے والے آٹے اور گندم کے ٹرکوں کو روک کر ان سے سرکاری سرپرستی میں زبردستی لی جانے والی رقم جب کہ افغانستان کے لیے گندم کی مصنوعات برآمد کرنے کی راہ میں حائل رکاوٹوں کے باعث 8 روز قبل ہڑتال کا اعلان کیا تھا۔