ISLAMABAD: پاکستان انٹرنیشنل ایئرلائن (پی آئی اے) کو مسلسل 4 سال خسارے کے بعد پہلی بار منافع ہوا ہے۔

پی آئی اے کے ترجمان مشہود تاجور کے مطابق قومی ایئرلائن کی 2014 کی پہلی سہ ماہی کا مجموعی ریونیو 28 ارب روپے رہا جس میں ایک ارب 67 کروڑ کا آپریٹنگ منافع ہوا، بہتر کارکردگی کے باعث پہلی بار خسارے میں 77 فیصد کمی ہوئی ہے۔ پی آئی اے کو 2013 کی پہلی سہ ماہی میں 25 ارب کی آمدن ہوئی جس میں ٹیکس اور انتظامی اخراجات کے بعد خسارہ ایک ارب 9 کروڑ روپے جب کہ 2013 میں مجموعی خسارہ 8 ارب 62 کروڑ روپے رہا تھا۔