سمندری طوفان بپر جوائے کے اثرات کراچی میں نظر آنا شروع ہوگئے۔

کراچی میں ہلکی بارش سے گرمی کا زور ٹوٹ گیا۔ ۔ شاہراہ فیصل، ڈیفنس، کورنگی، کلفٹن اور صدر سمیت شہر کے دیگر علاقوں میں کہیں ہلکی اور کہیں تیز بارش ہوئی۔ بارش سے سڑکوں پر پھسلن ہوگئی جس کے باعث موٹر سائیکل سواروں کو مشکلات کا سامنا کرنا پڑا۔

سمندری طوفان بپر جوائے کے پیش نظر محکمہ موسمیات نے کراچی میں مزید بارش کی پیش گوئی کی ہے جبکہ حکام نے شہریوں کو دوران سفر احتیاط برتنے کی ہدایت کی ہے۔