بجٹ بہتر بنانے کیلیے حکومت سے ملکر کام کرنے کو تیار ہیں آئی ایم ایف

نئی ٹیکس ایمنسٹی اسکیم بھی قرض پروگرام کی شرائط کے منافی، حکومت نے ٹیکس نیٹ کو وسیع کرنے کا موقع گنوادیا گیا

Irshad Ansari June 16, 2023

بے نظیر انکم سپورٹ پرو گرام کیلیے وسائل کو کم کیا گیا، پاکستان میں آئی ایم ایف کی نمائندہ ایسٹرپریز کی میڈیا سے گفتگو۔ فوٹو: فائل

آئی ایم ایف نے کہا ہے کہ بجٹ منظوری سے قبل اسے بہتر بنانے کیلیے حکومت سے ملکر کام کرنے کو تیار ہیں۔

بین الاقوامی مالیاتی فنڈ(آئی ایم ایف)کا کہنا ہے کہ بجٹ منظوری سے قبل اسے بہتر بنانے کیلیے حکومت سے ملکر کام کرنے کو تیار ہیں، حکومت کی جانب سے بجٹ تجاویز میں ٹیکس نیٹ کو وسیع کرنے کا موقع گنوادیا گیا ہے۔

یہ بھی پڑھیں: آئی ایم ایف اعتراضات؛ ہمیں کچھ تو اپنی مرضی کی اجازت ہونی چاہیے، وزیر خزانہ

میڈیا سے بات چیت کرتے ہوئے پاکستان میں آئی ایم ایف کی نمائندہ ایسٹرپریز کا مزید کہنا تھا کہ بے نظیر انکم سپورٹ پرو گرام کیلیے وسائل کو کم کیا گیا ہے، آئی ایم ایف نے نئی ٹیکس ایمنسٹی اسکیم کو بھی قرض پروگرام کی شرائط کے منافی قرار دے دیا ہے۔

ان کا کہنا تھا کہ بجٹ منظوری سے قبل اسے بہتر بنانے کیلیے حکومت سے ملکرکام کرنے کوتیار ہیں۔