برطانیہ میں فوجی مقابلوں میں پاکستان آرمی کی دوسری پوزیشن

حوالدار نعمان کو بہترین انفرادی ڈرل سارجنٹ کے اعزاز سے نوازا گیا۔

---

پاکستان آرمی نے برطانیہ میں شاندار کارکردگی کا مظاہرہ کیا۔

رائل ملٹری اکیڈمی سینڈہرسٹ برطانیہ میں ملٹری ڈرل کے معیار کو جانچنے کے لیے سالانہ منعقد ہونے والے انٹرنیشنل پیس اسٹکنگ 2023 کے مقابلے اختتام پذیر ہوگئے۔

مقابلوں میں پاکستان آرمی نے دوسری پوزیشن حاصل کی-

2023 کے مقابلوں میں پاکستان آرمی کے حوالدار نعمان کو بہترین انفرادی ڈرل سارجنٹ کے اعزاز سے نوازا گیا۔ انٹرنیشنل پیس اسٹکنگ 2023 میں 16 ملکوں کی ٹیموں نے حصہ لیا۔ اختتامی تقریب میں پاکستان سے کل پانچ ڈرل سارجنٹس نے حصہ لیا۔

پاکستان ملٹری اکیڈمی کے مایہ ناز ڈرل اسکواڈ کی کارکردگی کو برطانوی ناظرین کی طرف سےپسند کیا گیا اوربے حدسراہاگیا۔

پاکستان آرمی نے 2018 میں پہلی بار انٹرنیشنل پیس سٹکنگ کے مقابلوں میں حصہ لیا - سالانہ منعقد ہونے والے منفرد طرز کے مقابلوں میں اب تک مجموعی طور پاکستان آرمی نے سال 2018, 2019 اور 2020 میں پہلی پوزیشن حاصل کی جبکہ سال 2022اور 2023 دوسری پوزیشن حاصل کرنے میں کامیاب رہی۔