آئی پی ایل راجستھان نے سپر اوور میں کولکتہ کو زیر کرلیا

153رنز کا پیچھا کرتے ہوئے کولکتہ کی ٹیم 8 وکٹ پر152 تک محدود رہی۔ فوٹو : بی سی سی آئی

---

آئی پی ایل میں اعصاب شکن مقابلہ ٹائی ہونے کے بعد راجستھان رائلز نے سپراوور میں کولکتہ نائٹ رائیڈرز کو زیر کر لیا،۔

2 رنز کے تعاقب میں ٹیم نے اتنے ہی رنز بنائے البتہ زیادہ باؤنڈریز نے فتح کا حقدار ثابت کرا دیا، قبل ازیں 153رنز کا پیچھا کرتے ہوئے کولکتہ کی ٹیم 8 وکٹ پر152 تک محدود رہی، کپتان گوتم گمبھیر نے ناکامیوں سے پیچھا چھڑاتے ہوئے 45 رنز کی اننگز کھیلی، سوریاکمار یادیو نے 31اور شکیب الحسن نے 29رنز ناٹ آؤٹ بنائے۔

جیمز فالکنر نے صرف 11 رنز دے کر 3 وکٹیں لیں، پراوین تامبے نے 31 رنز کے عوض 2 کھلاڑیوں کو آؤٹ کیا۔ اس سے پہلے ٹاس جیت کر پہلے بیٹنگ کرتے ہوئے راجستھان رائلز نے 5 وکٹ پر152کا مجموعہ پایا، اوپنر اجنکیا راہنے نے 72 رنز کی عمدہ اننگز کھیلی، کپتان شین واٹسن نے 33 رنز بنائے۔