الیکشن گڈے گڈی کاکھیل نہیںکہ کسی کی خواہش پرہوںکائرہ

پیپلزپارٹی سیاسی قوت ہے،انتخابات سے خوفزدہ نہیں ہیں، وزیراطلاعات، میڈیاسے گفتگو۔ فوٹو: ای پی اے/فائل

---

وفاقی وزیراطلاعات ونشریات قمر زمان کائرہ نے کہا ہے کہ پیپلزپارٹی سیاسی قوت ہے اس جیسی قوتوںکوانتخابات سے خوفزدہ نہیں ہونا چاہیے۔

اتوارکو چوہدری طارق زمان کائرہ کے بیٹے کی دعوت ولیمہ کی تقریب میں میڈیا سے گفتگو میں انہوں نے کہا کہ انتخابات گڑیاکاکھیل نہیں ہے کہ جوکسی بھی شخص کی خواہش پرمنعقدہوں۔ انہوں نے کہا کہ حضورؐ کی شان میں گستاخانہ فلم کیخلاف پوری مہذب دنیا کو احتجاج کرنا چاہیے پرامن احتجاج مسلمانوںکاحق ہے۔ہم اس پرتحقیق کریںگے اور اگر یہ کسی حکومت کا بیک منصوبہ ہوا تواسے کبھی معاف نہیں کریںگے پھر ہمارا لائحہ عمل مختلف ہوگا اور یہ کسی فردکا بھی معاملہ ہے تو اسکی مذمت کریں گے اس سے مسلمانوں کے جذبات مجروح ہوئے ہیںالیکشن وقت پر ہونگے۔

ولیمہ کی تقریب میں سابق وزیراعظم یوسف رضا گیلانی، وزیر داخلہ رحمن ملک،اعتزاز احسن، صدر آزاد کشمیر سرداریعقوب، وفاقی وزراء حیدرعباس رضوی، سرداربہادر خان، شیخ وقاص اکرم، تسنیم قریشی، ارکان قومی وصوبائی اسمبلی،سیاسی رہنمائوں اور سیاسی کارکنوں نے شرکت کی۔