برطانیہ میں بھارتی طالبعلم کو لڑکی کیساتھ جنسی زیادتی پر قید کی سزا

پولیس نے سی سی ٹی وی کی مدد سے شناخت کرکے گرفتار کیا گیا:فوٹو:سوشل میڈیا

---

برطانیہ میں نشے میں دھت خاتون سے جنسی زیادتی کرنے پر بھارتی طالب علم کو سزا سنا دی گئی۔

برطانوی میڈیا کے مطابق خاتون سے زیادتی کا واقعہ ویلز کے دارالحکومت کارڈف میں پیش آیا تھا۔ بھارتی طالب علم نشے میں مدہوش خاتون کو کلب کے باہر سے اپنے ساتھ لے گیا تھا۔

برطانوی عدالت نے ریپ کے مجرم 20 سالہ بھارتی طالب علم پریت وکال کو 6 سال اور 9 ماہ قید کی سزا سنا دی۔ بھارتی طالب علم نے عدالت میں ریپ کا اعتراف کیا تھا۔

Indian-origin student in UK jailed for bringing home drunk woman, raping her

In a tweet, the South Wales Police (Cardiff) said that #PreetVikal was captured on CCTV camera carrying the victim in his arms and later across his shoulders out of the city centre. pic.twitter.com/BzxTk9newl

— The Times Of India (@timesofindia) June 18, 2023

ساؤتھ ویلز پولیس کے مطابق 20 سالہ پریت وکال برطانوی یونیورسٹی میں انجینیرنگ کا طلب علم ہے۔ اس نے متاثرہ لڑکی کو ویلز میں نارتھ روڈ کے علاقے کے ایک گھر میں ریپ کا نشانہ بنایا۔ واقعے کی سی سی ٹی وی فوٹیج بھی ریلیز کردی گئی جس میں بھارتی طالب علم کو لڑکی کو اٹھا کر لے جاتے ہوئے دیکھا جا سکتا ہے۔

پولیس کے مطابق سی سی ٹی وی کی مدد سے بڑے پیمانے پر تحقیقات کی گئیں جس کے بعد پریت وکال کی شناخت ہوئی اور اسے گرفتار کیا گیا تھا۔