وزیراعظم نوازشریف کی برطانوی وزیردفاع سے ملاقات دفاعی تعاون پر تبادلہ خیال

وزیر اعطم نواز شریف دورہ برطانیہ کے دوران بین الاقوامی سرمایہ کاری کانفرنس سے خطاب اور پاکستانی برادری سے ملاقاتیں بھی کریں گے۔ فوٹو؛فائل

---

وزیراعظم نوازشریف نے برطانوی وزیر دفاع سے ملاقات کی ہے جس میں دو طرفہ باہمی امور اور دفاعی تعاون پر بات چیت کی گئی۔

ایکسپریس نیوز کے مطابق وزیراعظم نواز شریف نے اپنے 3 روزہ دورہ برطانیہ کے موقع پر آج لندن میں برطانوی وزیردفاع فلپ ہیمنڈ سے ملاقات کی جس میں دوطرفہ باہمی امور اور دفاعی تعاون پر تبادلہ کیا گیا جب کہ افغانستان سے رواں سال کے آخر میں برطانوی فوج کی واپسی پر فوجی سازو سامان کی خریداری سے متعلق بھی بات چیت کی گئی۔

واضح رہے کہ گزشتہ روز وزیر اعظم نوازشریف وزیراعلیٰ پنجاب میاں شہباز شریف اور دیگر حکومتی و سرکاری شخصیات کے ساتھ 3 روزہ سرکاری دورے پر برطانیہ پہنچے تھے۔ وزیراعظم دورے کے دوران برطانوی ہم منصب سے باہمی دلچسپی کے امور پر تبادلہ خیال جب کہ بین الاقوامی سرمایہ کاری کانفرنس سے خطاب اور وہاں مقیم پاکستانی برادری سے بھی ملاقاتیں کریں گے۔