سلماں خان شادی کے بعد ہنی مون کے لئے ان دنوں دبئی میں موجود

سلمان یوسف خان کئی فلموں اور ٹی وی پروگرامز میں کوریو گرافی کر چکے ہیں ،فوٹو:فائل

---

بھارتی فلم انڈسٹری کے معروف کوریوگرافرسلمان یوسف خان شادی کے بعد ہنی مون کے لئے دبئی میں موجود ہیں جہاں انہوں نے اپنے قیام کا دورانیہ بڑھادیا ہے۔

بھارتی میڈیا کے مطابق سلمان یوسف خان گزشتہ برس 27 دسمبر کو اپنی دوست فائزہ حرمین کے ہمراہ رشتہ ازدواج سے منسلک ہوئے تھے تاہم بھارتی ٹی وی کے معروف اسٹنٹ پروگرام ''خطروں کے کھلاڑی'' کی شوٹنگ میں مصروفیت کے باعث وہ اپنی نوبیاہتا دہلن کے ہمراہ وقت نہیں گزار پائے، جیسے ہی پروگرام کی شوٹنگ ختم ہوئی وہ اپنی بیگم کے ہمراہ دبئی چلے آئے۔ سلمان کو دبئی میں اپنی بیگم کے ہمراہ گزارے گئے لمحات اس قدر بھائے ہیں کہ انہوں نے یہاں اپنے قیام کا دورانیہ بڑھا دیا ہے۔

واضح رہے کہ بنگلور میں پیدا ہونے والے سلمان یوسف خان کئی فلموں اور ٹی وی پروگرامز میں کوریو گرافی کر چکے ہیں اور بالی ووڈ کے سپر اسٹار سلمان خان کے نام سے مماثلت کے باعث کام کے کافی مواقع ملتے رہتے ہیں۔