اسپیشل اولمپکس ورلڈ گیمز میں پاکستانی ایتھیلیٹ سیف اللہ سولنگی نے چار تمغے جیت لیے
سیف اللہ سولنگی نے لفٹنگ کی مختلف کیٹگریز میں دو گولڈ، ایک چاندی اور ایک کانسی کا تمغہ جیتا
فوٹو ایکسپریس
پاکستانی ایتھیلیٹ سیف اللہ سولنگی نے جرمنی میں جاری اسپیشل اولمپکس ورلڈ گیمز میں چار تمغے جیت لیے۔
پاکستان کے سیف اللہ سولنگی نے پاور لفٹنگ ایونٹ میں بیک اسکواٹ میں 90 کلوگرام وزن اٹھا کر ایک گولڈ میڈل جیتا جبکہ ڈیڈ لفٹ میں 115 کلوگرام وزن اٹھا کر ایک اور گولڈ میڈل اپنے نام کرنے میں کامیاب ہوگئے۔
سیف اللہ سولنگی نے کمبائنڈ میں 245 کلوگرام وزن اٹھا کر سلور میڈل حاصل کیا اور بینچ 40 کلوگرام ویٹ لفٹنگ میں کانسی کا تمغہ بھی انکے نام رہا۔
سیف اللہ کے ہیڈ کوچ ساجد عمران اور کوچ رضیہ پروین کا کہنا ہے کہ سیف اللہ سولنگی نے ایونٹ کے لیے سخت محنت کی ہے اور اسکی شاندار کارکردگی ہمارے لیے باعث فخر ہے۔
وزیراعظم کی مبارکباد
وزیراعظم شہباز شریف نے اپنے ٹوئٹر پیغام میں لکھا کہ نوجوان پاکستانی سیف اللہ سولنگی کے بارے میں برلن سے حیرت انگیز خبر ہے کہ اُس نے چار تمغے جیت کر ریکارڈ بک میں جگہ بنالی ہے۔
پاکستان کے سیف اللہ سولنگی نے پاور لفٹنگ ایونٹ میں بیک اسکواٹ میں 90 کلوگرام وزن اٹھا کر ایک گولڈ میڈل جیتا جبکہ ڈیڈ لفٹ میں 115 کلوگرام وزن اٹھا کر ایک اور گولڈ میڈل اپنے نام کرنے میں کامیاب ہوگئے۔
سیف اللہ سولنگی نے کمبائنڈ میں 245 کلوگرام وزن اٹھا کر سلور میڈل حاصل کیا اور بینچ 40 کلوگرام ویٹ لفٹنگ میں کانسی کا تمغہ بھی انکے نام رہا۔
سیف اللہ کے ہیڈ کوچ ساجد عمران اور کوچ رضیہ پروین کا کہنا ہے کہ سیف اللہ سولنگی نے ایونٹ کے لیے سخت محنت کی ہے اور اسکی شاندار کارکردگی ہمارے لیے باعث فخر ہے۔
وزیراعظم کی مبارکباد
وزیراعظم شہباز شریف نے اپنے ٹوئٹر پیغام میں لکھا کہ نوجوان پاکستانی سیف اللہ سولنگی کے بارے میں برلن سے حیرت انگیز خبر ہے کہ اُس نے چار تمغے جیت کر ریکارڈ بک میں جگہ بنالی ہے۔
Amazing news from Berlin about young Pakistani, Saifullah Solangi, making it to the record books with four medals.
He has blazed the path for the rest of the contingent to follow. https://t.co/BEAniohJEj
باسکٹ بال میں پاکستان کو ایک پوائنٹ سے شکست
دوسری جانب اسپیشل اولمپکس ورلڈ گیمزکے باسکٹ بال ایونٹ میں ہیلس نے دلچسپ اور سنسنی خیزمقابلے کے بعد پاکستان کو 19 کے مقابلے میں 20 پواننٹس سے شکست دے دی۔
أخری کوارٹر ختم ہونے سے 5 سیکنڈ قبل تک پاکستان کو ایک پوانٹ کی برتری حاصل تھی أخری لمحے میں ہیلس کے کھلاڑی نے پوانٹ اسکور کرکے پاکستان کی فتح کوشکست میں بدل دیا۔
واضح رہے کہ 16 ویں اسپیشل اولمپک ورلڈ گیمز جرمنی کے شہر برلن میں جاری ہیں جس میں پاکستان سمیت دیگر ممالک سے تعلق رکھنے والے ہزاروں ایتھلیٹ حصہ لے رہے ہیں، ایونٹ کا افتتاح اتوار کو ایک رنگا رنگ تقریب کے ساتھ ہوا تھا۔
پیر کو ایونٹ کے پہلے دن اولمپیا اسٹیڈیم میں منعقدہ ریس کے مقابلوں میں پاکستان کے عمارابراہیم نے 200 اور عبدالحسیب نے 800 میٹرز ریس کے فائنل کیلئے کوالیفائی کیا تھا جبکہ ثمینہ اور محمد بشار 50 میٹرریس کے فائنل میں پہنچ گئے تھے۔