شمالی وزیرستان کے ضلع اسپن وام میں دیسی ساختہ بم دھماکے میں پاک فوج کے دو جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق اسپین وام کے علاقے میں نصب دیسی ساختہ دھماکے کے نتیجے میں سپاہی گل رؤف اور سپاہی عابد اللہ نے جام شہادت نوش کیا۔

آئی ایس پی آر کے مطابق دھماکے کے بعد دہشت گردوں کی موجودگی اور اُن کے خاتمے کے لیے علاقے میں آپریشن جاری ہے۔

ترجمان پاک فوج کے مطابق مسلح افواج دہشت گردی کی لعنت کو ختم کرنے کے لیے پرعزم ہیں، ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔