خاتون کی سہیلی کے ساتھ ویڈیو کال کے دوران خود کشی

خود کشی کرنے والی خاتون اہلخانہ سے ناراض تھیں، پولیس:فوٹو:فائل

---

پشاور میں ایک خاتون نے سہیلی کے ساتھ واٹس ایپ ویڈیو کال کے دوران خود کشی کرلی۔

پولیس حکام کے مطابق 16 جون کو پشاور کے علاقے گلبرگ کے ایک فلیٹ سے خاتون کی لاش برآمد ہوئی تھی۔ خاتون کی مبینہ خود کشی کی ویڈیو پولیس کو موصول ہوئی۔ خود کشی کے وقت خاتون واٹس ایپ ویڈیو کال کے ذریعے سہیلی سے بات کررہی تھیں۔

پولیس کا کہنا ہے کہ 28 سالہ خاتون نے پنکھے کےساتھ خودکو لٹکاکر مبینہ طورپر خودکشی کی۔ خاتون نے شوہر سے خلع لےرکھی تھی جبکہ وہ اہلخانہ سے بھی ناراض تھیں۔ خودکشی سے ایک روز قبل متوفیہ کی دوست سے لڑائی بھی ہوئی تھی۔

خاتون اپنی 6 سالہ بیٹی کے ساتھ کرائے کے فلیٹ میں رہائش پذیر تھیں۔ پولیس نے متوفیہ کی سہیلی کی مدعیت میں تھانہ ٹاون میں روزنامچہ درج کرلیا ہے۔