لاپتا آبدوز میں آکسیجن ممکنہ طور پر ختم ریسکیو آپریشن جاری

سیاحوں کو ٹائی ٹینک کا ملبہ دکھانے یہ آبدوز 18 جون کو سمندر کی تہہ میں گئی تھی

ویب ڈیسک June 22, 2023

آبدوز 8 جون کو ٹائی ٹینک کا ملبہ دیکھنے سیاحوں کو لیکر گئی تھی؛ فوٹو: فائل

بحر اوقیانوس میں دنیا کے امیر ترین شخصیات کو ٹائی ٹینک کی باقیات دیکھانے کے لیے لے جانے والی لاپتا آبدوز ٹائٹن میں آکسیجن ختم ہونے میں صرف ایک گھنٹا رہ گیا جبکہ 48 گھنٹوں سے جاری ریسکیو آپریشن میں کوئی کامیابی نہیں مل سکی۔

عالمی خبر رساں ادارے کے مطابق لاپتہ آبدوز میں آکسیجن ختم ہونے میں 1 گھنٹا رہ گیا ہے لیکن اب تک سرچ آپریشن میں کوئی کامیابی حاصل نہیں ہوسکی ہے تاہم ریسکیو ٹیمیں آبدوز میں موجود پانچ افراد کو زندہ بچانے کی کوششیں جاری رکھے ہوئے ہیں۔

سرچ ٹیم نے گزشتہ روز کہا تھا کہ سمندر کی تہہ میں آوازیں سنائی گئی ہے جو ممکنہ طور پر آبدوز کی ہوسکتی ہے۔ آبدوز کی تلاش میں تمام میسر وسائل بروئے کار لا جا رہے ہیں، جس میں امریکا، کینیڈا، برطانیہ کی افواج بھی حصہ لے رہی ہیں۔

آبدوز 5 سیاحوں کو لیکر 18 جون کو اتوار کے روز یو فاؤنڈلینڈ کے ساحل سے تقریباً 600 کلومیٹر دور 111 سال قبل غرقاب ہونے والے عظیم جہاز ٹائی ٹینک کا ملبہ دیکھنے روانہ ہوئی تھی لیکن پونے دو گھنٹے بعد ہی آبدوز کا رابطہ منقطع ہو گیا تھا۔

لاپتہ آبدوز میں معروف پاکستانی تاجر شہزادہ داؤد اور ان کے بیٹے سلیمان داؤد بھی موجود ہیں۔