کراچی میں پلاسٹک کی بوری سے ٹکڑوں میں بٹی جوان خاتون کی لاش برآمد

خاتون کو بہیمانہ تشدد کا نشانہ بنانے کے بعد قتل کیا گیا فوٹو:فائل

---

سچل کے علاقے سپر ہائی وے سے 6 روز قبل پلاسٹک کے بورے سے ملنے والی لاش خاتون کی نکلی۔

لاش کا پوسٹ مارٹم کرالیا گیا، خاتون کو بہیمانہ تشدد کا نشانہ بنانے کے بعد قتل کیا گیا، خاتون کی شناخت ممکن نہیں ہوسکی۔

16 جون کوسچل تھانے کے علاقے سپرہائیوے زرداری پیٹرول پمپ کے قریب سے پلاسٹک کی بوری میں بند خاتون کی کئی روزپرانی لاش ملی تھی فوری طور پرخاتون کی شناخت ممکن نہیں ہوسکی تھی۔

پولیس نے پوسٹ مارٹم کرنے کےبعد لاش کو سرد خانے میں امانتاً رکھوا دیا تھا پولیس کومقتولہ خاتون کی ابتدائی میڈیکل رپورٹ موصول ہوگئی ہے۔

رپورٹ کے مطابق خاتون کی عمر30 سے32 سال ہے اورخاتون کی لاش مختلف ٹکڑوں میں تھی مقتولہ کو بہیمانہ تشدد کا نشانہ بنانے کے بعد قتل کیا گیا ہے۔

تشدد سے دونوں بازوؤں اورریڑھ کی ہڈی کو شدید نقصان پہنچاہےپولیس نے کیمیکل ایگزامن اورڈی این اے کے نمونے حاصل کرلیے ہیں ڈی این اے رپورٹ کے بعد خاتون کی شناخت میں مدد مل سکے گی۔