’’بھارت کو بمراہ کے معاملے پر شاہین کی انجری سے سبق سیکھنا چاہیے‘‘

بھمرا کو کھلانے میں جلدی سے انجری طویل ہوسکتی ہے، سابق کرکٹر (فوٹو: ایکسپریس ویب)

---

بھارتی کرکٹ ٹیم کے سابق کوچ اور کپتان روی شاستری نے بھارتی سلیکٹرز کو خبردار کیا ہے کہ جسپریت بمراہ کو ورلڈکپ 2023ء کیلئے ٹیم میں لانے کی جلدی کرنا صحیح نہیں، ہمیں شاہین آفریدی کی انجری سے سبق سیکھنا چاہیے۔

بھارتی میڈیا کی رپورٹس کے مطابق سابق کپتان روی شاستری نے جسپریت بمراہ کی اہمیت کو تسلیم کرتے ہوئے کہا کہ ورلڈکپ سے قبل جسپریت کو کھلانے میں احتیاط کی ضرورت ہے، اگر ہم انہیں جلدی کھلاتے ہیں تو کہیں انجری مزید طویل نہ ہوجائے جس سے بھارت کو نقصان ہو۔

انہوں نے کہا کہ ہندوستان کو شاہین آفریدی کے ساتھ پاکستان کی غلطی سے سبق سیکھنا چاہیے اور احتیاط کے ساتھ آگے بڑھنا چاہیے، اگر ورلڈکپ سے قبل جلدی کرتے ہیں تو خطرہ ہوگا کہیں بمرا، شاہین کی طرح دوبارہ 4 ماہ کیلئے ٹیم سے باہر نہ ہوجائیں۔

مزید پڑھیں: بمرا مزید 6 ماہ کیلئے ایکشن سے دور، آئی پی ایل سے باہر

قبل ازیں قومی فاسٹ بولر شاہین آفریدی سری لنکا کے خلاف ٹیسٹ میچ کے دوران باؤجنڈری پر کیچ لینے کے دوران زخمی ہوگئے تھے تاہم ٹی20 ورلڈکپ 2022ء فائنل کے دوران ان کی دوبارہ انجری ہوئی تھی جس کے باعث وہ اوورز مکمل نہیں کرسکے تھے اور پاکستان یوں شکست کا منہ دیکھنا پڑا تھا۔

مزید پڑھیں: سری لنکا کے خلاف ٹیسٹ سیریز کیلئے پاکستانی کرکٹ ٹیم کا اعلان

اس انجری کے بعد شاہین شاہ آفریدی آسٹریلیا اور نیوزی لینڈ کے خلاف ہوم سیریز سے بھی باہر ہوگئے تھے۔

واضح رہے کہ ایک سال ٹیسٹ کرکٹ سے دور رہنے کے بعد شاہین شاہ آفریدی سری لنکا کے خلاف دو ٹیسٹ میچوں کی سیریز میں دوبارہ واپسی کیلئے تیار ہیں۔