دو موٹرسائیکلیں اینٹوں سے بھری ٹریکٹر ٹرالی سے ٹکرا گئیں جس کے نتیجے میں 3 افراد جاں بحق ہو گئے۔
ایکسپریس نیوز کے مطابق کاہنہ میں دو موٹرسائیکلیں اینٹوں سے بھری ٹریکٹر ٹرالی سے ٹکرا گئیں جس کے نتیجے میں 3 افراد جاں بحق اور 3 زخمی ہو گئے، زخمی ہونے والے تینوں افراد کو بذریعہ ریسکیو1122 اسپتال منتقل کر دیا گیا۔
یہ بھی پڑھیں: راولپنڈی میں مسافر بس کو حادثہ، 13 افراد جاں بحق، متعدد زخمی
پولیس کے مطابق موٹر سائیکلوں پر سوار فیملی رائیونڈ سے روڑہ بوگن گاؤں فوتگی میں شرکت کے لیے جا رہی تھی کہ حادثے کا شکار ہو گئی، جاں بحق ہونے والوں میں 17 سالہ احد، 19 سالہ حسن اور 9 سالہ فضہ شامل ہیں، جاں بحق ہونے والے تینوں آپس میں بہن بھائی ہیں۔