کراچی ڈکیتی اور اسٹریٹ کرائمز میں ملوث 4 ملزمان گرفتار

ملزمان پچھلے 10 سال سے وارداتیں کررہے تھے اور 15 روز قبل ہی جیل سے رہا ہوکر آئے تھے، سی ٹی ڈی حکام

Staff Reporter June 26, 2023

ملزمان کےقبضے سے اسلحہ،گاڑیوں کی نمبرپلیٹس،موبائل فون،2 گاڑیاں اوردیگر سامان برآمد کرلیا، پولیس(فوٹو: ایکسپریس)

سی ٹی ڈی انویسٹی گیشن نے سفاری پارک کے قریب کارروائی کرتے ہوئےڈکیتی اوراسٹریٹ کرائم میں ملوث 4 ملزمان کو گرفتار کرکے ان کے قبضے سے اسلحہ، دوگاڑیاں اور دیگرسامان برآمد کرلیا۔

تفصیلات کے مطابق سی ٹی ڈی انویسٹی گیشن نےیونیورسٹی روڈسفاری پارک کےقریب کارروائی کرتے ہوئےڈکیتی،کاراسنیچنگ اوراسٹریٹ کرائم میں ملوث4ملزمان فہد،عامر،شاہ رخ اورزاہد اسلم کوگرفتارکرکےان کےقبضے سے اسلحہ،گاڑیوں کی نمبرپلیٹس،موبائل فون،2 گاڑیاں اوردیگر سامان برآمد کرلیا۔

گرفتار ملزمان کے قبضے سے برآمد کی جانے والی گاڑیاں شاہراہ فیصل اورگلستان جوہرتھانے کی حدود سے چھینی گئی تھیں۔

سی ٹی ڈی حکام کے مطابق ابتدائی تفتیش کےدوران گرفتارملزمان نے انکشاف کیا ہےکہ وہ گزشتہ 10 سالوں سے وارداتیں کررہے ہیں اورکئی مرتبہ جیل جا چکے ہیں اور 15 روزقبل ہی جیل سے ضمانت پررہا ہوکرآئے تھے ۔