عازمین حج کے قافلے منیٰ سے میدان عرفات روانہ ہوئے:فوٹو:سوشل میڈیا
مناسک حج کے رکن اعظم ' وقوف عرفہ ' کے لیے عازمین حج کے قافلے منیٰ سے میدان عرفات روانہ ہو رہے ہیں جہاں وہ خطبہ حج سنیں گے۔ عازمین حج کی کثیر تعداد مسجد نمرہ اور جبل رحمت سمیت دیگر جگہوں پر موجود ہے۔ مسجد نمرہ میں ساڑھے تین لاکھ افراد کی گنجائش ہے۔حج کے خطبے کا 20 زبانوں میں ترجمہ کیا جائے گا۔
پاکستان کے 2 لاکھ عازمین سمیت 160ممالک سے تعلق رکھنے والے 20 لاکھ سے زائد عازمین خطبہ حج سنیں گے۔ شیخ ڈاکٹر یوسف بن محمد حج کا خطبہ دیں گے۔ حجاج کرام مسجد نمرہ میں ظہر اور عصر کی نماز پڑھیں گے۔
Hujjaj arriving at Masjid Al Namirah, Arafat#Hajj1444 pic.twitter.com/5tx9UA6pkh
— The Holy Mosque (@theholymosques) June 27, 2023
خطبہ حج کے بعد حجاج کرام غروب آفتاب تک وقوف عرفہ کریں گے اور غروب آفتاب کے بعد مزدلفہ روانہ ہو جائیں گے۔ مزدلفہ میں حجاج کرام مغرب اورعشاء کی نمازایک ساتھ ادا کریں گے۔
Safe and reassured; Pilgrims of the Sacred House of Allah on their way to Arafat to stand on Mount Arafat.#Hajj#Hajj2023#يوم_عرفة #الحج pic.twitter.com/v9wFrzgCKB
— Haramain Archive (@muslimmakkah) June 27, 2023
حجاج کرام مزدلفہ میں آرام کریں گے اور 70 عدد کنکریاں جمع کریں گے۔ وقوف مزدلفہ کےبعد 10 ذی الحج کو رمی جمرات کریں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔