حافظ نعیم کو ووٹ نہ دینے پر پی ٹی آئی سے 31 اراکین کو نکال دیا گیا

پہلے مرحلے میں 11 بعدازاں 6 اس کے بعد 7 اور گزشتہ روز مزید 7 چیئرمینز کو پارٹی سے نکال دیا گیا ۔ حلیم عادل شیخ

Staff Reporter June 28, 2023

پہلے مرحلے میں 11 بعدازاں 6 اس کے بعد 7 اور گزشتہ روز مزید 7 چیئرمینز کو پارٹی سے نکال دیا گیا ۔ حلیم عادل شیخ

پاکستان تحریک انصاف سندھ کے صدر حلیم عادل شیخ کی سفارش پر 31 منحرف اراکین کو پارٹی سے نکال دیا گیا.

پی ٹی آئی کے 31 اراکین نے میئر کراچی کے انتخابات میں پارٹی پالیسی سے انحراف کیا تھا ، پہلے مرحلے میں 11 بعدازاں 6 اس کے بعد 7 اور گزشتہ روز مزید 7 چیئرمینز کو پارٹی سے نکال دیا گیا ،

حلیم عادل شیخ کا کہنا تھا کہ ہم نے جماعت اسلامی کے امیدوار کی غیر مشروط حمایت کا اعلان کیا تھا ، ہم جانتے ہیں مجبوریاں تھیں آدھے لوگ نہیں پہنچے ، اگر آدھے 30 لوگ آسکتے تھے تو باقی کیوں نہیں پہنچے ، ہماری غریب خواتین بھی کیسز کے باوجود پارٹی کے حکم پر ووٹ دینے پہنچیں ، ہم نے تمام اراکین کو شوکاز نوٹس جاری کیے لیکن وہ تسلی بخش جواب نہ دے سکے ،

حلیم عادل شیخ کا کہنا تھا کہ سمرین ناز کے جواب سے مطمئن ہونے پر ان کی رکنیت بحال کر دی گئی ، اگلے مرحلےمیں ہماری وکلا کی ٹیم برخاست چیئرمینز کو ڈی سیٹ کرائے گی ۔