کراچی ٹرک کی رکشے کو ٹکر خاتون جاں بحق شوہراورکم سن بیٹا زخمی
جاں بحق خاتون کی شناخت 23سالہ ہمشیرہ، شوہرکی25 سالہ کمال اور4 سالہ بیٹے کی سمیر کے نام سے کی گئی، پولیس حادثے سے لاعلم
ناردرن بائی پاس ٹول پلازہ کے قریب ٹرک نے رکشے کو ٹکر مار دی جس کے نتیجے میں رکشے میں سوار خاتون جاں بحق جبکہ اس کا شوہر اور4 سالہ بیٹا زخمی ہوگیا۔
تفصیلات کے مطابق گلشن معمارتھانے کےعلاقےناردرن بائی پاس ٹول پلازہ کے قریب ٹریفک حادثے میں رکشے میں سوارخاتون جاں بحق جبکہ شوہر اوربچہ زخمی زخمی ہوگئےجنہیں ضابطے کی کارروائی کےلیےچھیپا ایمبولینس کے ذریعے عباسی شہید اسپتال منتقل کیا گیا۔
حادثے میں جاں بحق ہونے والی خاتون کی شناخت 23 سالہ ہمشیرہ کے نام سے کی گئی جبکہ زخمی شوہر کی 25 سالہ کمال اوربچے کی 4 سالہ سمیرکےنام سےشناخت کی گئی۔
ریسکیو حکام کے مطابق حادثہ رکشے کو تیز رفتار ٹرک کی ٹکرکےباعث پیش آیا، گلشن معمار پولیس نے حادثے سے لا عملی کا اظہارکیا ہے۔