’مشن امپاسیبل 7‘ کیلئے ٹام کروز کا ہوش اڑا دینے والا خطرناک ترین اسٹنٹ

کلپ میں دیکھا جاسکتا ہے کہ ٹام کروز ایک موٹر بائیک پر دوڑتے ہوئے گہری کھائی میں چھلانگ لگاتے ہیں۔

ٹام کروز کا یہ منظر ناروے میں فلمایا گیا ہے۔ اس میں خاص طور پر ڈیزائن کردہ ٹریک پر ٹام کو تیزی سے موٹر سائیکل دوڑانی ہوتی ہے اور اس کے بعد نیچے سینکڑوں فٹ گہری کھائی میں دونوں گرتے ہیں اور ایک مقام پر پہنچ کر ٹام کروز اپنا پیراشوٹ کھولتا ہے۔

ویڈیو کلپ کو ٹویٹر پر شیئر کرتے ہوئے اداکار نے لکھا کہ کہ ہم اسے اس لئے کررہے ہیں کہ یہ مشن امپاسیبل ہے۔

یہ بھی پڑھیں : ٹام کروز پر سینما کی تاریخ کا سب سے خطرناک اسٹنٹ فلمبند

'مشن امپاسیبل : ڈیڈ ریکننگ 1' کا ٹریلر رواں برس مئی میں ریلیز کیا گیا تھا اور فلم 12 جولائی کو پوری دنیا میں ریلیز کیلئے پیش کی جائے گی۔