عید الاضحیٰ پر شوبز فنکاروں کے رنگ مداحوں کو عید کی مبارک باد

عید کے خصوصی لباس پہنے، قربانی کی اور دعوتوں کی محفل سجائی

ویب ڈیسک June 29, 2023

پاکستان میں آج بروز جمعرات عید الاضحیٰ مذہبی جوش و خروش سے منائی جا رہی ہے؛ فوٹو: سوشل میڈیا

شوبز انڈسٹری کے معروف ستاروں نے بھی بھرپور طریقے سے عید الاضحیٰ منائی اور سوشل میڈیا پر تصاویر شیئر کرتے ہوئے مداحوں کو دلی عید مبارک بھی دی۔

معروف اداکارہ ہانیہ عامر نے انسٹاگرام پر زرد رنگ کے کپڑے پہنے تصویر شیئر کی اور ساتھ ہی مداحوں کو عید کی مبارک باد بھی دیتے ہوئے مداحوں کو ایسا لباس پہننے کی ترغیب بھی دی۔

اس کے برعکس حرا مانی نے زرا انوکھے انداز سے سوشل میڈیا پر عید کی تصویر شیئر کی۔ تصویر میں حرا مانی کے ساتھ ان کا سفید رنگ کا بکرا بھی ہے۔ حسن اتفاق کہ حرا بھی اسی رنگ کا لباس زیب تن کیے ہوئے تھیں۔

Colour Matching na? 🤫😱 pic.twitter.com/TcFeDh4ylm
— Hira Mani (@RealHiraMani1) June 28, 2023

اداکارہ نے کیپشن میں لکھا کہ کلر میچ کر رہا ہے ناں ۔۔۔ جس پر ان کے مداحوں نے دلچسپ تبصرے بھی کیے اور بکرے کو زبح کرنے کی ٹپس بھی دے ڈالیں۔

سینیئر اداکارہ روبینہ اشرف، ماریہ واسطی اور دیگر نے پی ٹی وی کے لیے خصوصی عید پیغام ریکارڈ کروایا جو سوشل میڈیا پر وائرل ہوگیا۔ پی ٹی وی کے لیے عید کا پیغام ریکارڈ کروانے والوں میں شہود علوی اور سعود بھی شامل ہیں۔

Special Eid Message by Rubina Arshraf on #EidAlAdha #EideEsaarWithPTV #EidAlAdha2023 pic.twitter.com/OXWltENIJD
— PTV Home (@PTVHomeOfficial) June 29, 2023

اداکاروں اور اداکاراؤں کے عید پر خصوصی پیغام کو پی ٹی وی ہوم نے اپنے سوشل میڈیا پیجز پر شیئر کیے جسے مداحوں نے سراہا۔

ہمایوں سعید بھی کسی سے پیچھے نہ رہے کہ سفید شلوار قمیص پہنے کی عید کی فوٹو انسٹاگرام پر شیئر کی۔ انھوں نے سیاہ چشمہ بھی پہنا ہوا ہے۔

دیگر فنکاروں کی تصاویر