ورلڈکپ گیل نے چار سیمی فائنلسٹ ٹیموں کے حوالے سے پیشگوئی کردی

اگر بھارتی بورڈ یا آئی سی سی میں اعلیٰ عہدے پر ہوتا تو پاک بھارت میچ حصہ لینے والوں کو خطیر معاوضہ ادا کرتا، سابق کپتان (فوٹو: فائل)

---

ویسٹ انڈیز کے سابق کپتان اور جارح مزاج اوپنر کرس گیل نے بھارت میں ورلڈکپ 2023 کیلئے چار سیمی فائنلسٹ ٹیموں کے حوالے سے پیشگوئی کردی۔

سابق ویسٹ انڈیز کپتان کرس گیل نے پاک بھارت میچ کی مقبولیت کو تسلیم کرتے ہوئے کہا کہ مجھے لگتا ہے پاکستان، بھارت، انگلینڈ اور نیوزی لینڈ کی ٹیمیں سیمی فائنل کی دوڑ میں شامل ہوں گی۔

انہوں نے کہا کہ روایتی حریف پاکستان اور بھارت جب ایک دوسرے کے مدمقابل ہوتے ہیں تو کھیل مقبولیت میں بےپناہ اضافہ ہوتا ہے، مجھے لگتا ہے کہ دونوں ٹیموں کے کھلاڑیوں کو ان کھیلوں کے لیے بہت زیادہ رقم کا مطالبہ کرنا چاہیے۔

مزید پڑھیں: ورلڈکپ سیکیورٹی؛ ہندو انتہا پسند تنظیم نے پاک بھارت میچ پر سوالات اُٹھادیئے

گیل نے مزاحیہ انداز میں کہا کہ اگر وہ بھارتی کرکٹ بورڈ یا آئی سی سی کے اعلیٰ عہدے پر ہوتے تو وہ ان ہائی پروفائل میچوں میں حصہ لینے والے کھلاڑیوں کے لیے نمایاں طور پر زیادہ مالی معاوضے ادا کرتے۔

مزید پڑھیں: ورلڈکپ؛ پاکستان نے ممبئی میں میچ کھیلنے سے انکار کردیا

دوسری جانب آئی سی سی ورلڈکپ 2023 کے شیڈول کے اعلان کے بعد پاک بھارت میچ کیلئے احمد آباد میں ہوٹلوں کے نرخوں میں 10 فیصد اضافہ ہوا ہے، جہاں دونوں ٹیمیں 15 اکتوبر ایک دوسرے کے مدمقابل آئیں گی۔

واضح رہے کہ پاک بھارت ٹیمیں احمد آباد کے نریندر مودی کرکٹ اسٹیڈیم میں ٹکرائیں گی، جہاں ایک لاکھ 32 ہزار سے زائد شائقین لائیو میچ سے لطف اندوز ہوں گے۔