اکشے کمار نے مشہور کامیڈی فرنچائز ’ہاؤس فل‘ کے پانچویں پارٹ کا اعلان کردیا
’ہاؤس فل 5‘ میں معروف اداکار رتیش دیش مکھ کی واپسی ہوئی ہے جبکہ باقی کاسٹ کی تفصیلات جلد سامنے آئیں گی
بالی وڈ کے سپر اسٹار اکشے کمار نے مشہور کامیڈی فرنچائز 'ہاؤس فل' کے پانچویں پارٹ کا اعلان کردیا۔
اپنے انسٹاگرام میں خوشی کی خبر شیئر کرتے ہوئے اداکار نے مداحوں کو بتایا کہ وہ پانچویں پارٹ میں 'پانچ گنا پاگل پن' کیلئے تیار ہوجائیں۔
فلم کو ترن منشکھانی ہدایت کاری دیں گے اور ساجد نادیاوالا پروڈیوس کریں گے جب کہ اسے اگلے برس دیوالی کے موقع پر ریلیز کیا جائے گا۔
'ہاؤس فل 5' میں معروف بالی وڈ اداکار رتیش دیش مکھ کی واپسی ہوئی ہے جبکہ باقی کاسٹ کے حوالے سے تفصیلات جلد سامنے آئیں گی۔
اکشے کمار اور رتیش دیش مکھ ہاؤس فل سیریز کے مرکزی ستون سمجھے جاتے ہیں، سیریز کے پہلے اور دوسرے پارٹ کو ساجد خان نے ہدایت کاری دی۔
تیسرے پارٹ کو ساجد خان اور فرہاد سمجی نے مل کر ڈائریکشن دی جبکہ چوتھے پارٹ کو فرہاد سمجی نے اکیلئے ہدایت کاری دی تھی۔